ઝાંઝવાની એટલે રંગત હશે !
પાંદડાએ સંભાળી તોલે વળી,
પાનખરની વાત એ અંગત હશે !
ને હકીકત થઈને જ્યાં સપનું ઊગે,
ત્યાં સમય - સંજોગની સંગત હશે !
સાચવે છે કેટલી નમણાશથી;
ઓસ બિંદુ ઘાસની સંપત હશે !
છીપ દઈ, મોજાંને દરિયાઈ કહ્યું;
જા, કિનારે ફીણની પંગત હશે !
(૨)
દિલથી વધાવી લે અગર થોડી-ઘણી
તો વાતની થાશે અસર થોડી-ઘણી
સંભાવના મેં સોળ આનાની કરી,
ને ખીલવી છે પાનખર થોડી-ઘણી
અંતે ખુશીએ ખુશ થઇ આપ્યું વચન,
એ આવશે અવસર ઉપર થોડી-ઘણી
મેં વાતને વહેતી કરી કાગળ ઉપર,
એ પી ગઈ તરસી નજર થોડી-ઘણી