(૧)
મને એમ કે ભૂલી ગયા તમે
જર્જરિત પુસ્તક મહીં પારદર્શક
પીળચટ્ટા પાંદડાની નસેનસમાં
ઊગી નીકળ્યા તમે !
'ને
મારી પાંપણેથી ટપકેલા ઝાકળના સ્પર્શે
મારી આંગળીઓને ટેરવે કૂંપળ ફૂટી
એ જ તમને?
(૨)
મેં દરિયાને પૂછ્યું -
"તું આટલો ગંભીર કેમ?"
એને કહ્યું -
"મેં ચંચળતાને
મારામાં સમાવી છે, એટલે...!"
(૩)
હાથના પંજા પર લીલી નસોના
ગૂંથાયેલા જાળાં અચાનક
ધસી આવે છે બહાર,
ત્યારે -
નવવધૂની જેમ શરમાઈને
સંકોચાય છે મારું પેટ ...!!
સંકોચાય છે મારું પેટ ...!!
No comments:
Post a Comment