Showing posts with label હાસ્ય. Show all posts
Showing posts with label હાસ્ય. Show all posts

Thursday, February 3, 2011

ગાંધીની ગુલાંટ -વિશ્વના અમર હાસ્ય પ્રસંગોમાંથી સાભાર

કોંગ્રેસ અધિવેશનમાં ભાગ લેવા મુંબઈ ગયેલા ગાંધીજી એક સાંજે જૂહુના દરિયાકિનારે લટાર મારવા ગયા. ત્યાં 'બાલ્કનજી  બારી' નામક સંસ્થાનાં બાળકોને રમતાં જોઈ, તેમની સાથે ગમ્મત કરવા લાગ્યા.
એક વૃદ્ધ વ્યક્તિને ઉછળકૂદ કરતા જોઈ, બાળકોને ખૂબ મજા પડી. રેતીમાં ગુલાંટ મારી રહેલા એક તોફાની બાળકે ગાંધીજીને કહ્યું; "બાપા, તમે મારી જેમ ગુલાંટ મારી શકો?"
 "હા,હા, તારી જેમ જ ગુલાંટ મારી બતાવું, પણ મારી એક શરત છે કે તું પણ મારી જેમ આ રીતે તારા દાંત કાઢી બતાવ !" અને એ સાથે એમણે પોતાની બત્રીશી મોમાંથી બહાર કાઢી બતાવી.
બાળકોએ તાલીઓના  ગડગડાટ  અને  હર્ષધ્વનિ   વડે  ગાંધીને  વિજેતા  ઘોષિત કરી દીધા.